Virðisaukaskattur

Mikilvægt er að tryggja að skil á virðisaukaskatti séu í samræmi við lög og reglur og að skattskyldir aðilar njóti þeirra réttinda sem þeim eru tryggð í lögum. Nauðsynlegt er að kunna skil á öllum þáttum virðisaukaskatts til að koma í veg fyrir skaða og beitingu refsikenndra viðurlaga vegna vanrækslu á að tilkynna um virðisaukaskattskylda starfsemi eða vegna vanrækslu á skilum virðisaukaskattsskýrslna og virðisaukaskatts.

Hjá okkur starfa sérfræðingar sem hafa sérþekkingu á virðisaukaskatti og veita viðskiptavinum okkar alla almenna ráðgjöf og þjónustu í tengslum við virðisaukaskatt.

  • Almenn ráðgjöf varðandi virðisaukaskatt, svo sem hvað varðar skattskyldu, skattprósentu, uppgjörstímabil, tekjuskráningu, leiðréttingar og kæruleiðir o.fl.
  • Umsóknir um virðisaukaskattsnúmer, þ.e. skráning á virðisaukaskattsskrá; hvort sem það er hefðbundin skráning á virðisaukaskattsskyldri starfsemi eða sértækari skráning eins og sérstök skráning vegna byggingar atvinnuhúsnæðis til útleigu eða sölu, frjáls skráning vegna útleigu atvinnuhúsnæðis eða samskráning hlutafélaga/einkahlutafélaga
  • Afskráning af virðisaukaskattsskrá
  • Ráðgjöf og þjónusta í tengslum við uppgjör og skil á virðisaukaskatti
  • Kærur til ríkisskattstjóra, yfirskattanefndar og fjármálaráðuneytis
  • Leiðréttingar vegna leiðréttingarkvaða
  • Umsóknir um endurgreiðslu á virðisaukaskatti
  • Umsjón með skilum á virðisaukaskattsskýrslum fyrir einstaklinga og fyrirtæki
  • Umsýsla fyrir erlend fyrirtæki vegna virðisaukaskatts á Íslandi, t.d. varðandi endurgreiðslu á virðisaukaskatti o.fl.
  • Umboðsmennska fyrir erlend fyrirtæki á virðisaukaskattsskrá o.fl.