Nýr heimur. Ný færni.

Fjárfesting í þekkingu fyrir stafræna framtíð

Atvinnumarkaðurinn breytist hratt og á næstu árum er því spáð að um það bil helmingur allra starfa gætu breyst og eða önnur komi í þeirra stað. Þess vegna er mikilvægt að tryggja að starfsmenn tileinki sér aukna þekkingu til að mæta breyttu, stafrænu, daglegu lífi. En hvar er best að byrja? Næstu fjögur árin mun PwC á heimsvísu fjárfesta þremur milljörðum bandaríkjadala í átak undir yfirskriftinni New world. New skills. (Nýr heimur. Ný færni.), þ.m.t. þjálfun starfsmanna okkar ásamt því að fjárfesta í tækni sem mun þjóna samfélagi okkar og viðskiptavinum.

Fræðast meira um átak PwC um New world. New skills.

Digital Fitness Assessment app

Mikilvægi þess að styrkja þekkingu á krefjandi tíma.

Digital Fitness Assessment er smáforrit sem er hannað til að auka stafræna færni fólks. Byrjað er á því að kortleggja þekkingarstig hvers og eins og síðan valið hvaða svið og greinar þörf er á að stykja frekar.

Fólk lærir á eigin hraða og velur hvaða aðferð hentar best við fræðsluna; myndbönd, greinar, hlaðvörp, eða kannski sambland af þessu öllu. Með reglulegri ástundun getur fólk ræktað sjálft sig til stafrænnar færni.

PwC býður frían aðgang að smáforritinu Digital Fitness Assessment til 31. júli 2021. Slástu í för með okkur með því að hlaða smáforritinu í símann og byrjaðu vegferð þína til aukinnar stafrænnar færni. Ekki hika við að hvetja aðra í kringum þig til þess sama.

Náðu í Digital Fitness Assessment app PwC

Notaðu kóðann «LRNALL» við innskráningu.

Það er forgangsverkefni stjórnvalda, fyrirtækja og samfélaga að þróa stafræna færni. Hér getur þú horft á stiklu úr heimildarmyndinni “Bridging the Digital Divide” þar sem ýmsir aðilarútskýra hvers vegna uppfærsla í stafræna færni er orðin svo áríðandi.

Sjá kynningu á stafrænni þróun

Tíu góð ráð til að umbreyta í takt við nýja tíma

Einbeitið ykkur að fáum markmiðum í einu
Fáið starfsmennina með ykkur í lið í þessari vegferð
Gerið eins og þið getið til að gera umskiptin jákvæð fyrir starfsmenn
Byggið upp reynslusögur og flytjið af innlifun
Byrjið innleiðinguna hjá þeim starfsmönnum sem halda mikilvæg hlutverk
Hegðun er það fyrsta sem þarf að breyta.

Verið opin fyrir hugmyndum starfsmanna
Skipuleggið allt umbreytingarferlið og leggið allt ykkar í ferlið
Fáið með ykkur í lið þau sem eru fljót að taka upp nýja siði og hafa áhrif á starfsmannamenningu
Fáið alla með í innleiðinguna og reynið að aðstoða þá sem eiga erfitt með breytingar
Mælið árangur reglulega og endurstillið stefnuna ef þarf

Lesa meira um ráðleggingar

Hvernig getum við hjálpað þér í umbreytingarferlinu?

Til að tryggja áframhaldandi vöxt, arðsemi og árangur er nauðsynlegt að aðlagast breyttum markaði. Stafræn færni er lykilþáttur í þeirri stafrænu vegferð sem er í raun hafin.

Lykilþáttur í að fylgja þeirri þróun sem á sér stað í tengslum við breyttan markað er að kjarnastarfsemi fyrirtækja sé í stakk búin til að takast á við breytingarnar. Við getum aðstoðað við að aðlaga viðskiptamódel að nýjum tímum, endurhanna virðiskeðjuna og komið með hugmyndir að því að auka sjálfvirkni. Við getum aðstoðað ykkur eða ykkar fyrirtæki við að áætla næstu skref og byggja upp þá mannauðsþekkingu sem þarf til að komast á öruggan hátt í gegnum stafræna innleiðingu.

Við lifum á tímum þegar stór hluti allra viðskipta eru að verða stafræn. Gögnum er deilt á milli fyrirtækja, birgja og viðskiptavina á stafrænan hátt, sem gerir samskipti og samstarf á milli þeirra stöðugt skilvirkara. Við getum aðstoðað ykkur við að verða tilbúin fyrir þessa stafrænu framtíð sem nálgast ört. Við hjálpum til við að móta og þróa rétta stefnu. Við aðstoðum þig við að meta stöðu stafrænnar þróunar hjá þér, aðlaga núverandi viðskiptamódel, bera kennsl á ný tækifæri ásamt því að skipuleggja og kynna inn nýja tækni.

Heildræn nálgun okkar í tengslum við þær breytingar sem eru í vændum gerir okkur kleift að sníða lausnir í mannauðsmálum. Mannauðsmál eru mjög mikilvæg þegar kemur að því að setja stefnu til framtíðar, sérstaklega þegar snýr að slíkum breytingum sem framundan eru.

Samstarf PwC við UNICEF

Störf framtíðarinnar eru þess eðlis að það þarf nýja tegund færni til að sinna þeim. Um er að ræða færni sem erfitt getur verið að öðlast ef tækifæri skortir. Þess vegna hefur PwC á heimsvísu gengið til samstarfs við UNICEF til að aðstoða við fræðslu milljóna ungmenna.

Samstarfið mun styðja við fjölþjóðasamstarfið Generation Unlimited,sem er fræðsluátak sem miðar að því að aðstoða 1,8 milljarða ungmenna við umskiptin frá skóla til vinnu til ársins 2030. Saman munum við vinna með ungu fólki, fyrirtækjum og opinberum aðilum til að skapa nauðsynlegan ramma og skilyrði fyrir ungmenni, til að ná árangri.

Þetta samstarf er mikilvægur áfangi í New world. New skills. vegferð PwC.

Fræðast meira um samstarf Unicef og PwC