Vinnustaðurinn
Viltu hafa áhrif og vera partur af teymi leiðandi sérfræðinga?
Framlag okkar til samfélagsins
Samfélagsábyrgð PwC er mikil og byggir að miklu leyti á sérfræðiábyrgð endurskoðenda, lögfræðinga og annarra sérfræðinga. PwC sinnir mikilvægu hlutverki í samfélaginu með því að staðfesta áreiðanleika fjárhagsupplýsinga og skapa þannig traust í viðskiptum. PwC hefur lagt áherslu á að leggja sitt af mörkum til faglegrar uppbyggingar á starfssviði fyrirtækisins, í menntakerfinu með því að skapa svigrúm hjá starfsmönnum okkar til kennslu og í viðskiptaumhverfinu með því að þjálfa fjölda hæfra sérfræðinga. PwC ber jafnframt víðtæka ábyrgð sem þátttakandi í samfélaginu.
Við höfum sett okkur markmið í samfélagsmálum og er til staðar samfélagsráð sem vinnur að samfélagsábyrgð félagsins. Meðal markmiða eru að minnka losun koltvísýrings um 10% árið 2021 og að veita starfsmönnum svigrúm til að sinna sjálfboðastarfi á vinnutíma. Í júní 2021 buðu starfsmenn fram krafta sína til Krabbameinsfélagsins og til Krafts.
Hér má finna samfélagsskýrslu PwC fyrir árið 2020, en hún er gefin út í lok hvers árs.
Tilgangur okkar er að byggja upp traust í samfélaginu og leysa mikilvæg viðfangsefni
Gildin skilgreina hver við erum, hvað við stöndum fyrir og hvernig við hegðum okkur. Þau hjálpa okkur til að ná fram tilgangi okkar.
Vinnum af heilindum
Tölum fyrir því rétta, sérstaklega þegar það er óþægilegt eða erfitt. Höfum væntingar um og skilum af okkur verki í hæsta gæðaflokki. Tökum ákvarðanir og hegðum okkur eins og okkar eigin orðspor væri í húfi.
Skiptum máli
-
Verum vel upplýst og spyrjum spurninga um framtíð heimsins sem við búum í. Höfum áhrif á samstarfsfólk, viðskiptavini og samfélagið með athöfnum okkar. Bregðumst snarpt við síbreytilegu starfsumhverfi okkar.
Sýnum umhyggju
-
Leggjum okkur fram um að skilja hvern einstakling og hvað skiptir hann máli. Beinum sjónum að virði og framlagi hvers og eins. Styðjum vöxt og þroska annarra og högum störfum okkar þannig að það laði fram það besta í þeim.
Vinnum saman
-
Vinnum saman og deilum tengslum, hugmyndum og þekkingu út fyrir hefðbundin mörk. Leitum eftir og samþættum fjölþætt sjónarhorn, fólk og hugmyndir. Bjóðum og leitum eftir endurgjöf til að bæta okkur sjálf og aðra.
Útvíkkum hið mögulega
-
Þorum að ögra óbreyttu ástandi og prófa nýja hluti. Ástundum nýsköpun og prófanir og lærum af því sem má betur fara. Verum opin fyrir möguleikunum í hverri hugmynd.
