Kannanir
Þjónustukannanir
Lykillinn að ánægju og viðskiptavild
Núverandi viðskiptavinir eru verðmætasti markhópur hvers fyrirtækis. Rannsóknir sýna að það kostar allt að 5 til 25 sinnum meira að afla nýrra viðskiptavina en að halda í þá sem fyrir eru. Enn fremur sýna rannsóknir að líkur á því að loka sölu hjá núverandi viðskiptavinum er 60-70% á meðan sama hlutfall meðal nýrra viðskiptavina er aðeins 5-20%. Því er afar mikilvægt að skilja hvað viðskiptavinir meta í þjónustunni og hvernig hægt er að efla hana og bæta til að tryggja áframhaldandi ánægju þeirra og viðskipti.
Með þjónustukönnum frá PwC varpar þú skýrara ljósi á frammistöðu fyrirtækisins á þeim þáttum sem skipta viðskiptavini mestu máli.
Þjónustukannanir svara m.a. eftirfarandi spurningum:
- Hvernig metur viðskiptavinahópurinn þjónustuna í dag?
- Hvaða styrkleikar skara fram úr í þjónustu fyrirtækisins?
- Á hvaða sviðum er stærstur möguleiki til umbóta?
- Hvaða þættir hafa mest áhrif á ánægju og tryggð viðskiptavina?
Að skilja svörin hjálpar fyrirtækjum að einbeita sér að réttum þáttum í þjónustu og tryggja að núverandi viðskiptavinir séu ánægðir, tryggir og þar með verðmætari viðskiptavinir til lengri tíma.
Vinnustaðagreiningar
Lykillinn að árangri og starfsánægju
Vinnustaðagreiningar eru kerfisbundnar kannanir sem safna endurgjöf frá starfsmönnum um vinnuumhverfi, stjórnun og menningu fyrirtækisins. Þær veita starfsmönnum tækifæri til að koma skoðunum sínum, reynslu og áhyggjum á framfæri í öruggu rými, sem stuðlar að gagnsæi og betri samskiptum við stjórnendur.
Niðurstöður vinnustaðagreininga færa stjórnendum í hendur stöðumat á núverandi ástandi og geta greint mögulegar áskoranir á frumstigi líkt og kulnun eða erfið samskipti áður en þau hafa neikvæð áhrif á starfsanda og afköst. Þetta gerir fyrirtækjum kleift að grípa snemma inn með markvissar lausnir.
Vinnustaðagreiningar styrkja einnig starfsánægju og tryggð, þar sem starfsmenn finna að þeirra raddir skipta máli og ef brugðist er við niðurstöðunum að stjórnendur taki mark á þeim. Þannig skapast jákvætt vinnuumhverfi sem eykur bæði vellíðan og framleiðni.
Heildarniðurstaðan er betri áhersla á mannauð og stefnumörkun sem ýtir undir vöxt og árangur fyrirtækisins.
Contact us
