Að undanförnu hefur heimurinn fylgst með hryllingu með hernaðaraðgerðum rússneskra yfirvalda í Úkraínu og þeim hörmungum sem af þeim hafa hlotist. Hugur okkar er með tæplega 800 félögum okkar hjá PwC í Úkraínu, sem allri úkraínsku þjóðinni.
Viðbrögð PwC á heimsvísu eru að meginstefnu til þríþætt:
Megináhersla er lögð að mannúðaraðstoð og öryggi starfsmanna. Felst það m.a. í þátttöku í alþjóðlegu hjálparstarfi en að auki beinni aðstoð við PwC starfsmenn og fjölskyldur þeirra í Úkraínu. M.a. hefur verið settur upp sérstakur sjóður í þessu augnarmiði.
Yfirstjórn PwC hefur að höfðu samráði við PwC í Rússlandi ákveðið að starfsemi PwC í Rússlandi og Hvíta-Rússlandi verði ekki lengur undir merki PwC.
Yfirstjórn PwC hefur ákveðið að allar ákvarðanir einstakra landa og alþjóðasamtaka um viðskiptaþvinganir gagnvart Rússlandi og Hvíta-Rússlandi skuli gilda fyrir öll PwC fyrirtæki.
Að auki erum við að sjálfsögðu á varðbergi og umhugað um að skilja og aðstoða viðskiptavini PwC sem kunna að verða fyrir áhrifum af atburðunum í Úkraínu. Um leið berum við þá von í brjósti að stríðandi aðilar nái að semja um frið þannig að íbúar Úkraínu fái að snúa heim sem allra fyrst.
Friðgeir Sigurðsson,
forstjóri
Contact us
